1997ko ekainaren 5ean hasi zen martxan Zarautz Hotelaren beheko aldean dagoen Santa Barbara jatetxea.

Proiektu hau 30 urte eskasekin eta munduko ilusio guztiarekin abiatu genuen. Hastapenetatik, hotelarekiko lan-harremanak (gosariak, pentsioak eta taldeak) oso markatu zuen jatetxearen estiloa. Hori guztia Zarautz eta inguruko gure bezero handi eta leialei bizkarra eman gabe.

Gaur egun, eta talde profesional handi baten laguntzarekin, eskaintza gastronomiko zabala dugu: eguneko menua, berezia eta karta. Era guztietako ospakizunak ere egiten ditugu, 180 pertsona arteko edukiera duen gure jangela zoragarriari esker.